Bllokohet nesër magjistralja Prishtinë-Gjilan, shkak manifestimi fetar në Graçanicë

Magjistralja Prishtinë – Gjilan nesër do të jetë e bllokuar për 45 minuta, ka njoftuar Policia e Kosovës.

Bllokimi i magjistrales do të bëhet për shkak të një manifestimi fetar në Graçanicë dhe kjo është bërë me vendim të Komunës së Graçanicës.

“Për shkak të një manifestimi (fetar), në Graçanicë, në rrugën magjistrale Prishtinë-Gjilan, nesër do të ndalohet qarkullimi i automjeteve duke filluar nga ora 09:30 deri në përfundim të manifestimit, i cili është paraparë të zgjasë 45 minuta. Ndalimi i qarkullimit do të bëhet me vendim të Komunës, për krijimin e hapësirës për mbarëvajtje të manifestimit”, thuhet në njoftim.

Policia ka kërkuar nga të gjithë shfrytëzuesit e kësaj magjistraleje të shfrytëzojnë rrugët alternative brenda kohës së kufizimeve, ashtu që të tejkalohen vështirësitë dhe të ketë rrjedhë normale të zhvillimit të komunikacionit.