Bashkëshorti i Rita Orës bën një tatuazh dedikuar artistes shqiptare

Bashkëshorti i ri i Rita Orës, Taika Waititi, ka zbuluar së fundmi tatuazhin e ri që ka bërë si dedikim ndaj gruas së tij.

Regjisori 47 vjeçar, ka vendosur të tregojë përkushtimin e tij ndaj këngëtares së hitit “You Only Love Me”, duke bërë tatuazh shkronjën ‘R’ në dorën e tij.

Duke ndarë një video të tatuazhit me ndjekësit e tij në rrjetet sociale, Taika me shaka shkroi: “Unë e dua ragbin”, shkruan The Sun.

Rita përndryshe në një nga intervistat e fundit zbuloi se ajo dhe Taika ishin martuar.

Më vonë ajo foli për romancën e tyre, duke shpjeguar se si ata kishin qenë miq për gjashtë vjet.

Duke folur në ‘The Drew Barrymore Show’, ajo tha: “U martova! Nuk mund ta besoj se mund ta them… Më pëlqeu e gjithë përvoja, por e mbajta atë super private, thjesht e mbajta për vete. Është bukur për ta ndarë atë dhe për të qenë disi i hapur për të. Ndihem mirë”.

“Ai është shumë, kaq i mrekullueshëm. Ne jemi miq dhe dua të them, jemi takuar shumë përpara se të vendosnim të shkatërronim gjithçka. Ne ishim miq për gjashtë vjet”, tha artistja shqiptare.

Duke diskutuar momentin kur ata u bënë më shumë se thjesht miq, ajo deklaroi: “Dua të them, sinqerisht, ai më vuri dorën në shpinë dhe më pas…në fund të shpinës. Dhe atëherë e kuptova, kjo është një lloj goditjeje tjetër, e dini?”.

“Dhe unë isha brenda. Dua të them sinqerisht, është një dinamikë shumë e bukur dhe jam shumë e lumtur tani”, tha Ora.

Rita përndryshe ka pak kohë që ka publikuar këngën e saj më të re “You Only Love Me”, e cila është prijëse e albumit të saj të ri nԯ ardhje, që gjithashtu do të publikohet sivjet. /Telegrafi/