ATK-ja zhvillon aksion në katër qytete, mblidhen afro një milion euro borxhe

Administrata Tatimore e Kosovës ka njoftuar se më 20 dhe 23 maj ka zhvilluar aksion te 14 subjekte biznesore, me ç’rast janë ndërmarrë masat e konfiskimit.

Një aksion i tillë është zhvilluar në Prishtinë, Ferizaj, Prizren dhe Gjilan, ku si rezultat është arritur që të mbledhin 939 mijë e 290 euro.

Sipas ATK-së, nga masat e ndërmarra përveç borxhit të inkasuar është arritur që pjesën tjetër të borxhit ta paguajnë sipas marrëveshjeve, pagesa e borxheve me këste.

Mes tjerash, ky institucion ka paralajmëruar aksione të ngjashme edhe ditëve në vazhdim, tek të gjithë subjektet biznesore që kanë borxhe ndaj shtetit.

“Trajtimi i barbarët i tatimpaguesve, do të vazhdoj ta karakterizoj ATK-në, pasi që vetëm në këtë mënyrë institucioni do të arrit të ketë shtrirje gjithëpërfshirës”, thuhet në një komunikatë për media nga ATK-ja.