Artistët e Teatrit Kombëtar nesër me protestë para Ministrisë së Kulturës

Shoqata Sindikale e Teatrit Kombëtar të Kosovës ka njoftuar se nesër do të mbahet protestë para Ministrisë së Kulturës, shkruan KultPlus.

Kjo protestë mbahet në kuadër të grevës së përgjithshme në të cilën kanë hyrë aktorët e Teatrit Kombëtar të Kosovës, për mos realizimin e kërkesave të tyre, tash e dhjetë ditë.

“Po ju drejtohemi me këtë njoftim nga SHSATKK për realizimin e një aksioni/proteste për mospërmbushjen e kërkesave tona nga ana e MKRS-SE, si pjesë e grevës së përgjithshme të aktorëve që po vazhdon tani e 10-të ditë. Ju falenderojmë për përcjelljen e aktiviteteve tona përgjatë kësaj kohe. #nëgrevë #meaktorët #rrnoftëteatri Me respekt, Sheqerie Buçaj”, thuhet në njoftimin e Sindikatës.

Protesta mbahet më 26 nëntor, nga ora: 10.00 deri 11.00, para Ministrisë së Kulturës./ KultPlus.com