Amerikani thyen rekord, kishte ngrënë të paktën një Big Mac çdo ditë, për 50 vite radhazi

Një burrë ka “festuar” 50 vjetorin prej kur ai filloi ta hante të paktën një hamburger Big Mac për çdo ditë.

Donald Gorske, një 68 vjeçar nga Milwaukee i Wisconsin, të martën e festoi thyerjen e rekordit e të ngrënit të një Big Mac-u, pasi që këtë rekord e kishte filluar tek para 50 vitesh, më saktësisht me 17 maj të vitit 1972, përcjell Telegrafi.

Sipas Gorkse-it, i cili në vitin 1990 e theu Rekordin Botëror Guiness për më së shumti Big Mac të ngrënë me 15,490, ai përsëri në gushtin e vitit të kaluar ai e arriti shifrën e 32,340 Big Mac-ave.

Sipas tij, përgjatë këtyre 50 viteve, kanë qenë vetëm 8 ditë në të cilat ai nuk ka mundur ta hante një Big Mac ose dy në rrjetin e ushqimeve të shpejta të McDonalds.

“Kam qejf ta them se e kam numëruar çdo Big Mac që unë e kam ngrënë gjatë jetës sime”, ishin fjalët e Gorske.