Abdixhiku: Albin Kurti është dorëzu, i ka çu duart

Kreu i LDK-së, Lumir Abdixhiku, ka marrë fjalën për ta replikuar kryeministrin Kurti, anipse ky i fundit nuk ndodhet në seancën e Kuvendit. Sipas Abdixhikut, masat e Kurtit nuk kanë efekt, pasi sipas Abdixhikut, Kurti flet për rritje por ka inflacion prej 20%.

Ai e nisi fjalimin duke thënë se Albin Kurti është dorëzuar.

“Kur e dëgjova kryeministrin e kuptova se është dorëzu, pra Albin Kurti është i dorëzuar, i ka çu duart. Ai si besonte as vetë masave e as politikave që i prezantonte këtu, me jep përshtypjen që është si një kopështar në luftë dhe një luftëtar në kopësht. Pra kur gjërat janë qetë merr zemer si luan por na bëhet si një kopështar kur është i rrethuar me krizën”, tha Abdixhiku në Kuvend, transmeton Gazeta Express.

Tutje ai tha, se Kurti ka paranojë se armiqtë i janë bërë bashkë për ta rrëzuar, por sipas tij, më shpesh e përmendin rrëzimin “këta sesa ne”, duke iu referuar opozitës.

Ai tha se Kurti ka krijuar një botë paralele dhe se masat e tij nuk kanë efekt.