A e shkeli Kosova Marrëveshjen e Washingtonit kur aplikoi në KE? Flasin nga Departamenti i Shtetit

Kosova dje edhe zyrtarisht ka aplikuar për anëtarësim në Këshillin e Evropës. Ndaj një veprimi të tillë të institucioneve të Kosovës ka reaguar Serbia dhe presidenti serb, Vuçiq, duke pretenduar se Kosova e ka shkelur Marrëveshjen e Washingtonit.

“Kosova dhe Serbia janë vende sovrane me të drejtë të vendosin prioritetet e tyre të politikës së jashtme. Moratoriumi u krijua për të zgjeruar hapësirën për diskutim dhe kompromis mes Kosovës dhe Serbisë, që besojmë se është në interesat strategjike të të dyja vendeve. Ne besojmë se Dialogu i ndërmjetësuar nga BE për normalizimin e marrëdhënieve të tyre është thelbësor për të dy vendet për të zhbllokuar të ardhmen e tyre evropiane dhe për të nxitur angazhimin e tyre urgjent, fleksibël dhe serioz në atë proces”, kanë thënë nga DASH-i për Express.