Trepça e nis me fitore gjysmëfinalen, mposht Pejën në “Minatori”

Trepça e ka nisur me këmbë të mbarë serinë gjysmëfinale të “Play-off”-it në Superligën e Kosovës, duke e mposhtur Pejën me rezultat 86:78 në palestrën “Minatori” në Mitrovicë.

“Xehetarët” zhvilluan një ndeshje të fortë para publikut vendas, duke e menaxhuar mirë epërsinë në momentet vendimtare dhe duke mos lejuar rikthimin e plotë të mysafirëve.

Më i dalluari në këtë përballje ishte Drilon Hajrizi, i cili udhëhoqi Trepçën me 17 pikë, duke qenë faktor kyç në fitoren e skuadrës së tij.

Me këtë triumf, Trepça kalon në epërsi 1-0 në seri, duke bërë hapin e parë drejt finales së madhe.

Ndeshja e radhës do të zhvillohet të dielën në palestrën “Karagaç” në Pejë, nga ora 19:30, ku Peja do të kërkojë barazimin e serisë para tifozëve të saj.