Baritoni Gëzim Myshketa me koncert në Parlamentin Evropian në Bruksel

Fondacioni Arena Di Verona do të organizojë një koncert të jashtëzakonshëm në Parlamentin Evropian në Bruksel, e ku do të prezantohet edhe baritoni shqiptar Gëzim Myshketa, shkruan KultPlus.

Ky koncert është paralajmëruar për datën 5 maj, dhe sipas njoftimit, koncerti do të ketë paraqite të operës italiane.

“Është një nder i madh të jem ndër artistët që, nën drejtimin e Sovrintendetes së Fondazione Arena di Verona, zonja Cecilia Gasida, do të sjellin edhe një herë në zemër të politikës europiane dashurinë dhe pasionin për operën, e në veçanti për operën italiane.

Një moment unik dhe prestigjioz ku muzika dhe kultura bashkohen me dimensionin më të lartë institucional europian duke sjell me vehte dhe një copëz të Shqipërisë”, ka njoftuar Myshketa./KultPlus.com/