Nisin provat për shfaqjen “Pylli”

“Pylli” (The Forest) e dramaturgut francez Florian Zeller është shfaqja e re që po vjen së shpejti, shkruan KultPlus.

Shfaqja sjell historinë e Pierre, një mjek i suksesshëm, bashkëshort dhe baba, jeta e të cilit duket e qetë dhe e rregullt. Por një marrëdhënie jashtëmartesore fillon të tronditë balancën mes familjes, karrierës dhe dëshirës, duke e çuar personazhin në një labirint gënjeshtrash ku kufiri mes së vërtetës dhe iluzionit bëhet gjithnjë e më i paqartë.

Kjo shfaqje do të vihet në skenë nga regjisori Erson Zymberi, i cili ka realizuar një sërë produksionesh teatrore të prezantuara në festivale në Kosovë, Shqipëri, Maqedoni dhe vende të tjera evropiane.

Produksion nga Teatri “Bekim Fehmiu” në Prizren. /KultPlus.com/