Messenger rikthen logon ikonë të kaltër

“Kohët e vjetra të mira janë kthyer!”

Aplikacioni i mesazheve të Meta, Messenger, ka rikthyer zyrtarisht logon e tij ikonë të kaltër në përditësimin e fundit, duke shënuar një rikthim në pamjen e tij origjinale, shkruajnë mediat e huaja, përcjell Telegrafi.

Aplikacioni pësoi një ndryshim të madh të dizajnit në fund të vitit 2020, duke adoptuar një përzierje të ngjyrave rozë, vjollcë dhe të kaltër – që të kujton skemën e ngjyrave të Instagramit.

Bëhet e ditur se ridizajnimi ishte pjesë e përpjekjes së Meta për të unifikuar platformat e saj vizualisht.

Por, ende nuk dihet nëse ky ndryshim është i përhershëm apo pjesë e një ndryshimi më të madh të dizajnit.

Tani për tani, përdoruesit e Messenger mund të shijojnë pak nostalgji me kthimin e të kaltrës klasike. /Telegrafi/