Ekspozohen në “Shtëpia Kadare”, dorëshkrime të panjohura të shkrimtarit të madh

Në Shtëpinë Studio Kadare u çel mbrëmë ekspozita e titulluar “Kadare – Dorëshkrime dhe letërkëmbime të panjohura”.

Ishin të pranishëm personalitete të jetës kulturore në vend si dhe miq e adhurues të shkrimtarit të madh.

Vizitorët e kësaj ekspozite do të mund të shohin dorëshkrime të veprave themelore të shkrimtarit. Gjithashtu letra me peshë për historinë e kulturës shqiptare.

Mes dorëshkrimeve të shumta, kjo ekspozitë përmban edhe një letër që nobelisti Günter Grass i drejtonte Ismail Kadaresë që në vitin 1987, duke i shkruar në emër të Akademie der Künste (Akademia e Arteve në Berlin, themeluar në vitin 1696). Në atë letër Grass i kërkonte Kadaresë të merrte pjesë në Takimin e Artistëve Evropianë, në Amsterdam.

Ekspozita zbulon të tjera kuriozitete nga jeta e kolosit të letrave shqipe. Ajo do të jetë e hapur përgjatë muajit janarit dhe shkurtit./atsh