Khloe Kardashian nis podcast të ri dhe zbulon projektet e saj të tjera

Khloe Kardashian ka shpallur një tjetër aventurë të re në karrierën e saj, këtë herë në botën e podkasteve.

Superylli 40-vjeçar ka njoftuar se do të startojë podcast-in e saj të ri të titulluar “Khloe In Wonder Land”, që do të nisë më 8 janar 2025 në X, platforma që është në pronësi të Elon Musk.

Ajo e përshkroi këtë si një mundësi për të eksploruar tema të fuqishme si dashuria, shërimi dhe lumturia, duke ftuar personalitete të njohura si Scott Disick, Jay Shetty dhe Mel Robbins, shkruan DailyMail.

Ky podcast do të përfshijë biseda javore dhe do të ofrojë një ekskluzivitet 24-orësh në X para se të bëhet i disponueshëm në platforma të tjera.

Ndërkohë, Khloe ka qenë shumë e zënë këtë vit, duke lançuar aromën e saj të parë, XO Khloe, e cila do të jetë në dispozicion për blerje në Harrods dhe UltaBeauty në muajt në vijim.

Përveç kësaj, Khloe mbikëqyr markën e veshjeve ‘Good American’ dhe ka një bashkëpunim me Fabletics.

Ajo gjithashtu ka shpallur plane për të zhvilluar më shumë produkte, duke përfshirë parfume dhe produkte për trupin, përmes dy markave tregtare të regjistruara më 2024.

Në këtë periudhë, Khloe po krijon një ndikim të madh në industrinë e modës dhe bukurisë, duke e shfrytëzuar platformën e saj për të eksploruar projekte të reja dhe për të ndarë pasionet e saj me ndjekësit. /Telegrafi