Sa gradë duhet të jetë në dhomë përpara se të ndizni ngrohjen?

Duke qenë se kemi hyrë në stinën e vjeshtës, temperaturat gjithashtu kanë filluar të bien, pavarësisht pasditeve të herëpashershme me diell.

Pas uljes së temperaturave, mund të duket shumë tunduese për të ndezur pajisjet ngrohëse. Por, a e dini se kur është koha për të ndezur ngrohjen?

Si pjesë e hulumtimit të ri nga Yell, David Doran nga Blackstone Plumbing & Heating Ltd këshillon se një rënie e lehtë e temperaturës nuk është arsye e mjaftueshme për të ndezur ngrohjen. Në fakt, duhet të prisni që temperatura e brendshme të bjerë nën 18 gradë.

“Për të moshuarit ose njerëzit e pambrojtur, rekomandohet të mbani temperaturën rreth 20 gradë. Në shumë vende, fillimi deri në mes të tetorit është kur temperaturat zakonisht fillojnë të bien, kjo është arsyeja pse është një kohë e zakonshme për të ndezur ngrohjen”, thotë David.

Dhe jo vetëm periudha, por është një gabim që njerëzit bëjnë kur ndezin ngrohjet.

Keni dëgjuar ndonjëherë se është më efikase në energji të keni ngrohjen qendrore të ulët në çdo kohë? Sipas mendimit të Davidit, kjo mund t’ju bëjë më shumë dëm sesa mirë – dhe në fakt është e këshillueshme që thjesht ta ngrohni shtëpinë tuaj kur të keni nevojë.

“Përgjithësisht është më efikase të ngrohni shtëpinë tuaj vetëm kur është e nevojshme. Përdorimi i një kohëmatësi ose termostati inteligjent mund të ndihmojë në ruajtjen e temperaturave të rehatshme duke reduktuar humbjen e energjisë”, theksoi ai. /Telegrafi/