Bideni vë kapelën e Trumpit si “gjest uniteti” për 11 shtatorin

Presidenti i Shteteve të Bashkuara të Amerikës, Joe Biden, vendosi shkurtimisht kapelën e kuqe të fushatës së kandidatit republikan Donald Trump në një ngjarje për të përkujtuar 23-vjetorin e sulmeve të 11 shtatorit.

Bideni ishte në vizitë te zjarrfikësit në Pensilvani afër vendit ku u rrëzua një nga katër aeroplanët e rrëmbyer para 23 vjetësh dhe Shtëpia e Bardhë ka thënë se e vendosi kapelën si “gjest uniteti”.

Videoja nga vizita tregon se presidenti amerikan bën bisedë miqësore me një mbështetës të Trumpit përpara se ta vendosë kapelën e kuqe.

Ekipi i fushatës së Trumpit reagoi shpejt për të bërë shaka.

“Faleminderit për mbështetjen, Joe”, thuhet në postim së cilës i është bashkangjitur fotoja e Bidenit me kapelën e kuqe.