Disa nga gabimet më të mëdha që njerëzit mund t’i shmangin kur blejnë një makinë të re

Blerësit e makinave kanë më shumë mjete se kurrë për të marrë automjetin e duhur me çmimin e duhur.

Megjithatë, gabimet mund të ndodhin mjaft lehtë.

Kjo për faktin se shpesh, blerësit e makinave “verbohen” nga emocionet ose koha e nxituar.

Ekspertët e Edmunds zbulojnë disa nga gabimet më të mëdha që blerësit e makinave bëjnë shpesh dhe ofrojnë këshilla për t’i shmangur ato.

Nxitimi në një blerje automjeti

Mund të ketë arsye legjitime për të përshpejtuar blerjen e automjetit. Ndoshta automjeti juaj është përfshirë në një aksident, ose ndoshta është prishur dhe nuk ia vlen të paguani për ta rregulluar.

Sido që të jetë, do t’ju duhet një makinë e re menjëherë. Por shumë blerës nuk mendojnë të bëjnë kërkime të vlefshme paraprakisht.

Andaj, edhe nëse keni nevojë të zëvendësoni makinën tuaj shpejt, shpesh është më mirë të gjeni transport alternativ ndërsa kërkoni një blerje automjeti të ri.

Marrja me qira e një makine për disa ditë mund të kushtojë, por kjo është më mirë sesa të zgjidhni automjetin e gabuar ose të futeni në një marrëveshje të keqe, përcjell Telegrafi.

Shkuarja në vetëm një përfaqësi

Ky gabim bëhet shpesh nga blerësit që nxitojnë të gjejnë një automjet të ri.

Sigurohuni që t’i jepni vetes kohë për të bërë zgjedhje të mençura kur keni nevojë për një makinë shpejt.

Madje shumica e hulumtimeve të çmimeve mund të bëhen në internet ose në telefonin tuaj pa dalë nga shtëpia.

Shmangni shkuarjen vetëm te një tregtar dhe marrjen e një vendimi blerjeje pa kërkuar diku tjetër.

Tregtarët e kanë zakon të konkurrojnë me njëri-tjetrin, prandaj sigurohuni që ata po e bëjnë këtë në avantazhin tuaj.

Mos “u hutoni” nga çmimi i shitësve

Disa blerës do të “trullohen” nga një shitës që hedh shumë numra duke përfshirë çmimin e kërkuar, vlerën e tregtimit për makinën tuaj, paratë e para dhe pagesën mujore.

Megjithëse ka më pak tregtarë që praktikojnë taktika konfuzioni se sa ka qenë më parë, është mirë të jesh i përgatitur për t’i luftuar ato nëse ato shfaqen.

Gjithashtu kujdes gjithashtu për shtesat e mundshme që mund të përdorë shitësi për të rritur fitimin.
Këto përfshijnë pajisje kundër vjedhjes, garanci shtesë, mbrojtje për bojë dhe pëlhurë.

Ju mund të negocioni çmimin e shtesave, por kjo mund t’ju largojë nga qëllimi juaj kryesor për të marrë ofertën më të mirë për vetë automjetin.

Ndoshta blerja e një makine pa shtesa është mënyra më e mirë për të shmangur situatën.

Si konkluzion, marrja e pak më shumë kohe për të shqyrtuar të gjitha opsionet dhe për të menduar me kujdes për kushtet e një marrëveshjeje makine mund t’ju kursejë shumë para.

Andaj, shfrytëzoni kohën, dhe paratë, për të arritur një ofertë të mirë. /Telegrafi/