Sa zgjat helmimi nga ushqimi dhe si ta tejkaloni atë?

Nëse keni ngërçe në stomak, diarre, ethe ose vjellje disa orë pasi keni ngrënë diçka, shanset janë që jeni helmuar nga ushqimi.

Helmimi nga ushqimi ndodh kur hani ushqim ose pini ujë që është i kontaminuar me baktere, parazitë, viruse ose toksina.

Shumica e rasteve të helmimit nga ushqimi janë për shkak të baktereve të zakonshme, të tilla si Staphylococcus ose E. coli.

Bakteret mund të hyjnë në ushqimin tuaj në mënyra të ndryshme.

Helmimi nga ushqimi mund të ndodh gjithashtu kur njerëzit gatuajnë ushqimin pa i larë duart siç duhet, kur ushqimi përgatitet duke përdorur enë gatimi të papastra, kur ushqimet e ndjeshme lihen jashtë frigoriferit për një kohë të gjatë dhe kur njerëzit hanë ushqime të papërpunuara si peshku ose mish dhe vezë të papjekura.

Uji jo i filtruar gjithashtu mund të shkaktojë helmim nga ushqimi.

Sa zgjat helmimi nga ushqimi?

Zakonisht do të shëroheni nga llojet më të zakonshme të helmimit nga ushqimi brenda 12 ose 48 orëve.

Gjatë kësaj kohe duhet të siguroheni që trupi i juaj të marrë lëngje të mjaftueshme në mënyrë që të mos dehidratoheni.

Mos hani ushqime të forta derisa të kalojë diarreja dhe shmangni produktet e qumështit.

Pini çdo lëng (përveç qumështit dhe pijeve me kafeinë) për të zëvendësuar lëngjet në trupin tuaj.

Nëse keni ngrënë toksina nga kërpudhat ose butakët, kërkoni menjëherë kujdes mjekësor. Mjeku i dhomës së urgjencës më pas do t’ju zbrazë stomakun dhe do të largojë toksinën. /Telegrafi/