Hillary e interviston Bill Clintonin, flasin për Kosovën dhe fëmijët që mbajnë emrin e presidentit amerikan

Historia e lirisë dhe pavarësisë së Kosovës pashmangshëm është e ndërlidhur me çiftin presidencial amerikan Bill dhe Hillary Clinton. Të dy kanë dhënë një kontribut të jashtëzakonshëm për çlirimin e Kosovës dhe në rrugën drejt shtet bërjes. Tema e Kosovës pashmangshëm ka qenë edhe pjesë e diskutimit në mes të Hillary Clinton dhe Bill Clinton, pasi ish-sekretarja amerikane e shtetit e ka ftuar ish-presidentin amerikan në Podcast-in e saj “Ti dhe unë bashkë me Hillary Clinton”, shkruan Gazeta Express.

Në bisedën e tyre Hillary është interesuar për udhëtimin e fundit të Bill Clinton në Shqipëri dhe gjithë momentet më interesante përgjatë qëndrimit të tij në Tiranë me ftesë të kryeministrit të Shqipërisë, Edi Rama.

Në këtë bisedë, Hillary e ka pyetur edhe për gjithë fëmijët që kishin udhëtuar nga Kosova për në Tiranë e të cilëve prindërit ua kishin lënë emrat Bill, Clinton ose Billclinton, për nder dhe respekt të presidentit amerikan.

“Kjo është ajo që njerëzit mendojnë se ne duhet të bëjmë: të shpëtojmë jetë, t’i bëjmë njerëzit së bashku, të njohim të drejtën e njerëzve për të qenë të lirë dhe të përcaktojmë rrugën e tyre. Ishte kaq prekëse”, ka thënë Bill Clinton.

Pjesë nga diskutimi në “Podcast”-in e Hillary Clinton

Hillary Clinton: Epo, Bill, ju e dini, ju keni pasur disa shanse vërtet interesante për të udhëtuar këtë vit dhe keni takuar disa njerëz të mrekullueshëm. Dhe nuk dua të kaloj nëpër gjithë udhëtimet, por mbase mund të përshkruani shpejt një nga udhëtimet tuaja më të fundit në Shqipëri. E dini, mendoj se ndërsa jemi në sezonin e festave, njerëzit duan të dëgjojnë për ndonjë shpresë. Ata duan të dëgjojnë se përparimi është i mundur. Ata duan të ndiejnë se njerëzit, ju e dini, mund të bashkohen. Dhe ju e keni parë dhe përjetuar atë.

Bill Clinton: E bëra. Mendoj se ka shumë arsye për të shpresuar. Duke parë nëpër botë, dua të them. Ne shkuam gjithashtu në Irlandën e Veriut për të festuar 25 vjetorin e procesit të paqes. Dhe edhe pse ata po luftojnë për qeverinë, askush nuk dëshiron të kthehet në konflikt. Dhe irlandezët vazhdojnë të votojnë për kandidatë, politika dhe të ardhme më gjithëpërfshirëse. Atëherë, ju e dini, unë shkova në Shqipëri, që është – Shqipëria ishte vetëm 30 vjet më parë diktatura e fundit e mbyllur staliniste dhe diktatori i tyre kreu vetëvrasje. Dhe ata hapën vendin dhe vendosën të shkonin në një drejtim krejtësisht të kundërt. Dhe në të njëjtën kohë, kur u përfshiva me ta pak më vonë, Kosova, e cila ishte pjesë e…., në atë kohë ishte pjesë e Serbisë, por në thelb ishte mbi 90 për qind shqiptare, luftonte për ekzistencën e saj kundër Millosheviqit në Serbi. Dhe kështu Hillary dhe unë u përfshimë shumë. Ne jetojmë këtu në Chappaqua, Nju Jork. Dhe Nju Jorku ka popullsinë më të madhe shqiptare jashtë Shqipërisë. Dhe shumë prej tyre është e përqendruar në vendin ku jetojmë. Poshtë këtij blloku nga ku po flas, kemi dy familje shqiptare kosovare. Pra, shkova atje. Nuk kam qenë kurrë më parë në Shqipëri. Dhe më takoi Edi Rama, kryeministri. Ai është një ish-kryetar i Bashkisë së Tiranës, por është gjithashtu një artist i talentuar dhe një ish-basketbollist. Ai është i gjatë gati 2 metra. Dhe qëndrova në atë që ishte bujtina zyrtare komuniste në kohën e Stalinizmit. Dhe është një pamje se si bota mund të lëvizë nga e mbyllura në të hapur, se si bota mund të kalojë nga lufta në paqe. Kabineti i ri është rreth 40% femra. Parlamenti i ri është pothuajse i njëjtë. Ajo ka një nga qeveritë më të reja, më të fuqishme dhe më të balancuara gjinore në Evropë. Kështu që uroj që e gjithë bota të shkojë në Shqipëri për një ose dy ditë. Dua të them, është një vend kaq i bukur dhe ata e dinë se si është të humbasësh gjithë lirinë e tyre. Ata nuk po i bëjnë këto debate që po bëjmë ne në Amerikë. Gjithçka që ata donin të flisnin ishte e ardhmja.

Hillary Clinton: E dini, më thatë se një nga pjesët më prekëse të përvojës suaj është se ata mblodhën së bashku të gjithë këta fëmijë që prindërit i kishin emëruar për t’iu nderuar juve. Dhe ju takuat dhjetëra fëmijë që quhen Bill ose William ose Clinton.

Bill Clinton: Po, ishte e mahnitshme.

Hillary Clinton: Por ishte optimist. Ishte shpresëdhënëse.

Bill Clintom; Ishte optimiste – gjëja që unë mendoj se është e rëndësishme, do të doja që çdo amerikan ta kishte parë, jo për shkakun tim, por sepse kjo është ajo që njerëzit mendojnë për Amerikën. Kjo është ajo që njerëzit mendojnë se ne duhet të bëjmë: të shpëtojmë jetë, t’i bëjmë njerëzit së bashku, të njohim të drejtën e njerëzve për të qenë të lirë dhe të përcaktojmë rrugën e tyre. Ishte kaq prekëse./GazetaExpress/