Mazreku kërkon që ndërtuesit të obligohen t’i sigurojnë punishtet

Drejtori i Byrosë Kosovare të Sigurimit (BKS), Sami Mazreku, me bashkëpunëtorë, kanë takuar kryetarin e Prizrenit, Shaqir Totaj, me të cilin kanë diskutuar rreth mundësisë së bashkëpunimit në mes të Komunës së Prizrenit dhe Byrosë Kosovare të Sigurimit.

“Mazreku ka kërkuar nga kryetari Totaj që gjatë procedurës së lëshimit të lejeve ndërtimore, ndërtuesit t’i obligojë që të sigurojnë punishtet, pasi që deri më tash nuk është numri i vogël i punëtoreve, por edhe palëve të treta që kanë vdekur, apo edhe lënduar duke kaluar pranë punishteve në tërë vendin. Në anën tjetër kryetari Totaj ka mirëpritur ketë ide, ku në ditët në vijim pritet të ketë hapa konkretë, pasi që e njëjta do të diskutohet edhe në Kuvendin Komunal të Prizrenit”, thuhet në komunikatën e BKS-së.