Mazreku: Me pesë milionë euro mund të sigurohen policët

Drejtori i Byrosë Kosovare të Sigurimit (BKS) Sami Mazreku, thotë se me pesë milionë euro mund të sigurohen policët e Kosovës.

Mazreku thotë se për këtë çështje industria e sigurimeve është e gatshme të diskutojë me institucionet e Kosovës që Polica e Kosovës të ketë sigurime shëndetësore.

Mazreku bëri me dije se ky është viti i katërt që industria e sigurimeve afaron me fitim.

Sigurimi i veturave në Raportin e Progresit është cilësuar pozitive dhe për këtë Mazreku tha se sfide për Byronë mbetet liberalizimi i Polisave të Sigurimeve.

Ai ka thënë se pas pastrimit të këtyre veturave kërkesat për dëmshpërblime janë më të vogla, ku shkaktarë janë veturat e paregjistruara.

“Për këtë çështje që është përmendur në Raportin e Progresit një meritë të madhe e ka Agjencia e Regjistrimit Civil në krye me drejtorin e saj i cili ka marrë veprime konkrete. Krejt kjo ka ardhur falë një bashkëpunimi ndërinstitucional ose një marrëveshje mes Ministrisë së Infrastrukturës , BQK-së dhe Byrosë së Sigurimeve që tani e tutje ky proces po ec në rrugën e mbarë”, ka thënë Mazreku.

Rreth problematikës së Kartonit të Gjelbër, ai tha se ato që na janë kërkuar nga Brukseli rreth kësaj çështje tashmë janë bërë.

“Këshilli i Byrosë na ka konfirmuar që i kemi kryer shumicën e punëve që duhen bërë porse kjo lidhet edhe me çështje politike e që lidhet konkretisht me anëtarësimin e Kosovës në OKB”, tha Mazreku.