A mund ta rezervoni prej tash biletën për të udhëtuar më 1 janar? Flet për “Klubin e Mëngjesit” këshilltari i Bislimit

Klisman Kadiu, këshilltar për media i zv.kryeministrit për Integrim Evropian, Besnik Bislimi, sot në emisionin “Klubi i Mëngjesit” tregoi më shumë rreth fushatës sensibilizuese për liberalizimin e vizave.

Pyetja më e shpeshtë që është bërë që prej liberalizimit të vizave është se a mund ta rezervojmë biletën nga tani, për të udhëtuar më 1 janar në zonën Schengen.

Kadiu tregoi se qytetarët mund ta rezervojnë biletën qysh tani.

“Po, po patjetër. E rëndësishme është që liberalizimi është i vërtetë dhe po ndodh, më 1 janar do të mund të lëvizim të lirë”, tha Kadiu për Klubin e Mëngjesit.

Megjithatë, ai shtoi se duhet të respektohen kushtet dhe rregullat të cilat vijnë bashkë me liberalizimin e vizave.

“Varësisht nga arsyeja që shkon, nëse po shkon me e vizitu një familjar, është mirë me e pas një ftesë prej tij edhe duhet të kesh informacionet e tij, adresa, numri i telefonit”, tha Kadiu në Klubin e Mëngjesit.

“Të ardhurat e familjarit jo, por ti si udhëtar duhet ta dëshmosh që ke mjete financiare. Ose personi që të pret do të kujdeset me e mbulu kostron financiare, por ata do ta thërrasin për ta konfirmu dhe prandaj duhet të jepet numri i kontaktit i personit që të pret. Nëse shkon për qëllime turistike dhe nuk e ke një person që të pret, duhet të kesh rezervim të vendit ku do të qëndrosh, mjete financiare dhe biletën kthyese”, tha Kadiu.

Ndiqeni intervistën e plotë në Klubin e Mëngjesit, për të kuptuar më shumë rreth fushatës sensibilizuese për liberalizimin e vizave.

https://www.youtube.com/watch?v=UlUTJVdpdxQ