Rita Ora dhe Bebe Rexha shfaqen të afërta në MTV VMA 2023

Pasi dy artistet me origjinë shqiptare, të njohura ndërkombëtarisht shkëlqyen në tapetin e kuq në MTV Video Music Awards 2023, ato padyshim që u takuan me njëra-tjetrën në prapaskenë për të shkëmbyer përqafime.

Në një postim të Ritës në InstaStory, ajo ka shpërndarë një fotografi ku shihet Bebe Rexhën duke e rrëmbyer në krahë Ritën për ta përqafuar.

Ndërsa në përshkrimin e kësaj fotografie, sigurisht që Rita do ta tregonte dashurinë drejt dibranes që tashmë njihet anembanë botës.

“E dua këtë vajzë”, ka shkruar Rita në postimin e saj, ku shihen dy artistet duke kaluar kohë bashkë.

Taylor Swift dhe Demi Lovato lënë prapa “armiqësinë” e përfolur prej vitesh dhe i japin dashuri njëra-tjetrës në MTV VMA 2023
Lexo po ashtu
Taylor Swift dhe Demi Lovato lënë prapa “armiqësinë” e përfolur prej vitesh dhe i japin dashuri njëra-tjetrës në MTV VMA 2023
Të dy shqiptaret shkëlqyen të veshura me fustana të zeza, Rita që dukej shumë elegante, e Rexha nga ana tjetër shkëlqente me një stil rudimental.

Përveç tyre, në këtë event shumica e artistëve ishin veshur me po këtë ngjyrë, duke e bërë të zezën ngjyrë dominuese për sivjet.

Përndryshe, Bebe Rexha ishte edhe e nominuar për çmimin “Bashkëpunimi më i mirë”, me këngën “I’m Good (Blue)” me David Guettan. /Telegrafi/