Rreth 60 persona u lënduan në koncertin e Travis Scott dhe Kanye West në Romë

Travis Scott është kthyer me koncerte të reja vite pas tragjedisë në Festivalin “Astroworld”.

Në fillim të kësaj jave, ai mori askënd tjetër përveç Kanye Westin, në skenë për koncertin në Romë.

Si rezultat, u shkaktua një tërmet 1.3 i shkallës Rihter, por kjo nuk ishte e gjitha.

Ashtu siç ndodhi gjatë turneut të “Astroworld”, pjesëmarrësit e koncertit pësuan momente të vërteta kaosi, pasi shumë prej tyre u lënduan nga një incident i madh.

Shqetësimi në Circus Maximus ndodhi pranë Koloseut historik të Romës dhe njerëzit që jetojnë aty pranë filluan menjëherë të raportonin për tërmetin.

Sipas një raportimi nga TMZ, koncerti po shkonte mirë derisa dikush vendosi të spërkattë me sprej piper një mori njerëzish.

Kjo shkaktoi përhapjen e kaosit në të gjithë zonën dhe rezultoi në të paktën 60 njerëz që kishin nevojë për kujdes mjekësor. Do të sjellë pasoja për Travis Scott, i cili kishte idenë të prezantonte koncertin e tij në Piramidat Egjiptiane të Gizës, por u mohua nga pushteti vendor.

Ai duhej të kënaqej me koncertin pranë Koloseut të Romës, por edhe kjo doli të ishte një fatkeqësi.

Pas raportimeve të shumta për kaos brenda koncertit, Drejtoresha e Parkut Arkeologjik të Koloseut, Alfonsina Russo, mori një vendim.

Ajo tha se të gjitha koncertet në Circus Maximus janë të ndaluara.

“Me përjashtim të operave dhe baleteve, asnjë artist nuk do të jetë në gjendje të prezantojë grupet e tyre muzikore në vendin historik. Circus Maximus pranë Koloseut të Romës konsiderohet një monument historik, jo një sallë koncertesh”, shtoi ajo.

Për fat të mirë, nuk ka pasur ndonjë vdekje të raportuar dhe reperi të paktën mund të jetë i qetë me këtë. /Telegrafi/