Vlerat dhe përfitimet nga pjepri për shëndetin

Pjepri ndikon në uljen e stresit dhe mërzitjes, madje lufton të nxehtin e stinës, si edhe parandalon plakjen e parakohshme të organizmit.

Pjepri është i pasur me hekur, kalcium, fosfor dhe me sidomos me Vitamina A dhe C të domosdoshme për organizmin.

Pjepri rekomandohet edhe për ato që vuajnë nga melçia e zezë dhe nga anemia. Sipërfaqe të konsiderueshme me pjepër mbillen në zonën e Ulët dhe Bregdetare të Shqipërisë. Për nga shija dhe aroma, frutat e pjeprit shqiptar cilësohen si nga më të mirët.

Pjepër kantalupo

Me foma të rrumbullakëta, të vegjël, ose të shtypur në dy polet, me brinjë pak të dukshëm, me aromë të ngjashme si të ananasit.

Ato janë lloje që në përgjithësi nuk durojnë magazinimin dhe transportet e gjata. Në këtë grupim përfshihen grupi i kultivarëve verore si: Pjepri i Goranxisë; Portokallja, etj.

Pjepër me fijëzim

Kanë fruta me formë të rrumbullakët dhe pak të zgjatur pa brinjëzime të theksuara. Lekura është e butë dhe me një rrjetë e hollë që në të shumten e rasteve është pak e dukshme.

Nuk durojnë magazinimin dhe transportet e gjata. Në këtë grup bëjnë pjesë llojet e qarrseve si: Qarrësi i Tiranës, Qarrësi i Divjakës, Qarrësi i Kallmit, Qarrësi i Luzit, Qarrësi i Goranxisë, etj.

Pjepër të lëmuar ose dimërorë

Ato karakterizohen me fruta në formë të zgjatur dhe të lëmuar, me tendenca brinjëzimi, por shumë pak të dukshme. Pothuajse u mungon rrjetëzimi. janë më pak aromatike se llojet e tjera, por tuli është më i ëmbël.

I durojnë më shumë ruajtjen dhe magazinimin e gjatë, si dhe transportet e gjata, prandaj quhen dhe dimërore. Në grupin e kultivarëve dimërore janë: Mjaltësi (frut madh), Vesa e mjaltit, Valencia, Kallmi, Voden i Bardhë. Por nëse është produkt vendas dhe cilësor, çdo lloj pjepri është mirëbërës për shëndetin falë përfitimeve magjike që ofron ky frut plot ëmbëlsi.