Katy Perry e quan motër Miranda Kerr, ish-gruan e partnerit të saj Orlando Bloom

Katy Perry u shoqërua me ish-gruan e të fejuarit të saj, Orlando Bloom, Miranda Kerr, në galën e 20-të vjetore të Arteve G’Day USA në Los Angeles.

Ylli 38-vjeçar u caktua t’i dhuronte Kerrit çmimin e ‘ekselencës në art’.

Këngëtarja e “California Gurls” tha gjatë fjalimit të saj: ‘Shumë prej jush mund të jenë të hutuar se pse po i dhuroj Mirandës këtë çmim’.

“Nuk i përshtatet rrëfimit të ish-gruas, gruas së re. Shumë në media do të donin të na shihnin duke luftuar, por kjo ka të bëjë me dashurinë, dhe Miranda është dashuri”, tha Perry.

“Unë jam shumë mirënjohëse për familjen tonë moderne të përzier. Është sikur fitova një motër tjetër, me të cilën zakonisht bëjë biseda kryesore të familjes dhe jam dakord me të”, tha tutje artistja.

Perry është fejuar me ish-bashkëshortin e Mirandës, Orlando Bloom. Modelja australiane ishte e martuar më parë me Orlandon nga viti 2010 deri në vitin 2013.

Bloom filloi të takohej me Perry në vitin 2016 dhe ata u fejuan në vitin 2019. Vajza e tyre Daisy lindi më 26 gusht 2020.

Para se të shpërndahej çmimi, dyshja pozuan së bashku për disa imazhe në tapet..

Perry dukej sensacionale me një veshje ari me shkëlqim që përputhej me makijazhin e theksuar dhe flokët e zeza që i vendosi në topuz.

Ndërkohë, Miranda mahniti me një fustan të bardhë pa rripa, i ngushtë në bel për të theksuar fizikun e saj të tonifikuar.

Kerr foli më parë në “Dreë Barrymore Shoë” në nëntor 2020 për mënyrën sesi ajo krijoi një lidhje të fortë me Perry gjatë ngjarjeve familjare me djalin e saj 11-vjeçar Flynn.

“Ne me të vërtetë mendojmë gjithmonë se çfarë është gjëja më e mirë për Flynn, dhe unë mendoj se kjo është gjëja më e rëndësishme”, tha ajo.

Miranda ka djalin Miles tre-vjeçarin dhe Hart-in katër-vjeçar me bashkëshortin e saj, themeluesin e miliarderit të Snapchat, Evan Spiegel.

Ajo gjithashtu ka djalin 12-vjeçar Flynn me ish-bashkëshortin, aktorin Orlando Bloom.

Modelja e “Victoria’s Secret” dhe Evan u takuan për herë të parë në një event të “Louis Vuitton” në vitin 2014 dhe u fejuan vitin e ardhshëm përpara se të martoheshin në maj 2017. /Telegrafi/