Casemiro do të jetë mungesa e madhe e Man Utd ndaj Arsenalit

Ylli i Manchester Unitedit, Casemiro do të suspendohet për përballjen e kësaj fundjave kundër Arsenalit pasi mori një karton të verdhë kundër Crystal Palace.

Mesfushori brazilian hyri në lojë në Selhurst Park duke e ditur se një karton do të çonte në një pezullim me një ndeshje.

Megjithatë, kjo i kushtoi pasi një ndërhyje në minutën e 80-të bëri që Casemiro të ndëshkohet me kartonë të verdhë.

Ky karton i verdhë ndaj Crystal Palace ka bërë që braziliani të mbush normën e kartonëve dhe tani do të pezullohet për një ndeshje në Ligën Premier.

Kjo ndeshje është pikërisht derbi i të dielës ndaj liderit aktual të Ligës Premier, Arsenalit.

Ndeshja e së dielës pritet të zhvillohet nga ora 17:30 në Emirates. /Telegrafi/