Telashe për Georginën, rregullat e ashpra në Arabinë Saudite nuk e lejojnë të jetojë me Ronaldon

05/01/2023

Georgina udhëtoi me Cristiano Ronaldon drejt Arabisë Saudite dhe ishte në skenë teksa ai u prezantua te klubi i Al Nassr që do të jetë “shtëpia” e tij për dy vitet e gjysmë të ardhshme.

Por tashmë nuk dihet nëse ajo do të mund të jetojë me Cristianon, pasi nuk e lejojnë rregullat strikte në vendin saudit.

Sipas ligjeve në vend, nuk lejohet bashkëjetesa mes dy personave të cilët nuk janë të martuar dhe Ronaldo me modelen nuk kanë vënë kurorë edhe pse kanë krijuar familje së bashku dhe u gëzohen fëmijëve që kanë lindur nga lidhja e tyre.

Një situatë e çuditshme, për të cilin mendohet se është vënë në lëvizje klubi i Al Nassr, që të zgjidhë këtë telash të pazakontë të yllit portugez dhe familjes së tij. Sipas rregullave aktuale, Georgina mund të aplikojë për një vizë turistike duke qëndruar vetëm për kohëzgjatjen e saj në Arabinë Saudite.

Përndryshe do të duhet që ajo të kontraktohet nga vetë Al Nassr dhe të marrë një vizë veçmas, që i mundëson të jetojë ku dëshiron si “profesioniste për atë që është kontraktuar nga një kompani vendase”.

Written by: ClubFm Kosova

Rate it