Osmani ushtarëve të FSK-së: Qëndroni të gatshëm e të përgatitur që gjithnjë t’i dilni në mbrojtje atdheut

“Qëndroni të gatshëm dhe të përgatitur që gjithnjë t’i dilni në mbrojtje atdheut. Viti i ri që po vjen uroj të sjellë në familjet tuaja dhe te të gjithë qytetarët paqe, siguri e prosperitet. E për të gjithë ata që dëshirojnë ta sfidojnë paqen e ta sfidojnë lirinë tonë t’ua përkujtojmë edhe një herë po nga këtu që nuk ka asgjë që arrin ta mundë vullnetin e një populli që dëshiron të jetojë i lirë dhe i pavarur. E kemi dëshmuar edhe këtë me UÇK-në në vitin 1999. Çdo ditë kur ta vishni këtë uniformë të shenjtë, mos harroni sakrificën që është bërë që të vijë kjo ditë e gjakun që është derdhur”, tha Osmani ndër të tjera në fjalimin e saj.