E lindi vajzën brenda taksisë, britanikja shokohet kur i arrin llogaria për pastrimin e veturës

Britanikja Farah Cacanindin ka sjellë në jetë foshnjën brenda një taksie, që lëvizte me 40 kilometra në orë.

Do të ishte një lajm i zakonshëm sikur të mos i ndodhte diçka më pas, pasi lindje të tilla kanë ndodhur edhe më parë nëpër botë, transmeton Telegrafi.

Ajo tha se pasi solli në jetë foshnjën, u shokua kur mësoi se kompania e taksisë i kishte dërguar llogarinë për pastrimin e veturës që kapte vlerën e 60 dollarëve.

Ajo befasisht kishte filluar të ndjejë dhimbje rrugës për në spital, e duke parë se nuk mund të priste më, i telefonoi një taksisti të kompanisë Arroë Taxis.

Pasi solli në jetë vajzën Naia, pasi ishte shumë larg spitalit dhe nuk mund të arrinte në kohë, Cacanindin tha se kompania i kishte dërguar llogarinë prej 100 dollarëve, ku 40 prej tyre ishin shpenzime të transportit.

“E di se e kam bërë të papastër veturën, por është e çuditshme si e kanë futur këtë në llogari”, shtoi britanikja. /Telegrafi/