Zgjedhjet presidenciale në Brazil ndanë në dysh brazilianët e famshëm: Juninho është i indinjuar me Neymarin

Në muajin e kaluar, tema kryesore në Brazil ishin zgjedhjet presidenciale dhe Lula da Silva u bë presidenti i ri pasi mposhti kundërshtarin dhe ish-presidentin Jair Bolsonaro.

Zgjedhjet ndanë edhe dhomat e zhveshjes së kombëtares braziliane, pasi lojtarët kishin të preferuarit e tyre, ku disa anëtarë të kombëtares morën pjesë aktive në fushatat e kandidatëve të majtë dhe të djathtë.

Në fushatën e të majtës ku kandidat ishte Lula, ishte më aktivi legjendar Rai, ndërsa për të djathtën e Bolsonaro, lobuan emra të mëdhenj si Rivaldo, Ronaldo, Dani Alves dhe më së shumti Neymar.

Shpresa më e madhe e Brazilit në Kampionatin Botëror të ardhshëm e ka mbështetur publikisht Bolsonaron në disa raste. Mediat në këtë vend të Amerikës së Jugut shkruajnë se ai e bëri këtë sepse tashmë ish-presidenti e ndihmoi të shmangte pagimin e taksave.

“Ekskursionet” politike të Neymar e shqetësuan legjendarin Juninho Pernambucan, i cili nuk përtoi t’ia thoshte disa fjalë.

“Më vjen keq kur shoh Neymarin e djathtë që mbështet fashistët. Si mund ta bëjë këtë?”, ka thënë Juninho.

Pas fitores së Lula da Silva shumë qytetar kanë brohoritur rrugëve: “Neymar tani duhet t’i paguash taksat”.