Katër gjelat fitojnë të drejtën e qëndrimit në Zvicër, pavarësisht ankesave nga banorët për zhurmë

Katër gjela prej javësh po pengojnë disa familje të flenë në Zvicër, po pavarësisht ankesave, ata nuk do të largohen nga çatia e tyre.

E rrallë, por interesante! Bëhet fjalë për katër gjelat që, pavarësisht ankesave, nuk e ndalin këndimin e tyre që nga orët e para të mëngjesit, transmeton albinfo.ch.

Ata tashmë janë ankuar dhe kontrollet dolën në terren për të vlerësuar ankesat.

Banorët e kësaj zone thanë se të riut dhe babait të tij nuk u pengonte këndimi i gjelave. “Ai u befasua shumë kur i thamë se nuk mund të flinim për shkak të kësaj dhe se shpezët nuk mbaheshin në mënyrë të përshtatshme për speciet”, vazhdoi gruaja.

Një zonjë e kësaj lagjeje tha se ishte zgjuar në orën dy e gjysmë (të mesnatës) të mërkurën e javës së kaluar, shkruan “20 Minuten”. Ajo shprehet: “Këtu nuk mund të flenë më 15 familje. Edhe këndimi po përkeqësohet nga dita në ditë”. Fqinjët tashmë po zgjohen çdo ditë nga shpezët.

Nga ana tjetër, Zyra e Veterinarisë së Thurgaut konfirmoi se ata janë në dijeni për mbajtjen e shpendëve që këndojnë. “Gjatë inspektimit të mirëqenies së kafshëve, janë identifikuar mangësi. Masat e nevojshme për korrigjimin e tyre tani urdhërohen me shkrim nga Zyra veterinare”, shkruan Robert Hess, shefi i Zyrës veterinare. Nga kontrollet thuhet se ka rezultuar se kafazi i pulave aktualisht nuk plotëson kërkesat minimale për numrin e kafshëve që mbahen.

Sipas Zyrës veterinare, këto shpezë as nuk do të konfiskohen dhe as nuk do të zhvendosen, por do të qëndrojnë aty ku janë, bashkë me këndimin e tyre. /Albinfo.ch