Tetë diplomatë ndërkombëtarë pritet të dëshmojnë pro Thaçit në Hagë

Tetë diplomatë eminentë ndërkombëtarë, me kërkesë të mbrojtjes së Hashim Thaçit, pritet të japin dëshminë e tyre në procesin gjyqësor ndaj ish-presidentit të Kosovës.

Në gjyqin e Dhomave të Specializuara të Kosovës ndaj ish-presidentit Thaçi janë ftuar të dëshmojnë ish-gjenerali i NATO-s, Wesley Clark, ish-administratori i parë në Kosovë, diplomati francez Bernard Kouchner dhe gjashtë të tjerë.

Në një shkresë dorëzuar pranë Dhomave të Specializuara, mbrojtja e Thaçit i ka bërë të ditur emrat e tetë diplomatëve të ftuar për të dëshmuar në proces.

Steve Bennett është një ish-funksionar i OSBE-së në Kosovë. Ai kishte shërbyer si drejtor i Departamentit për Edukimin dhe Zhvillimin e Policisë nga viti 1999 deri më 2006.