Borrell pas takimit me Kurtin në Berlin: Diskutuam situatën në veri, djegia e veturave është e papranueshme

Kryeministri i Kosovës, Albin Kurti ka takuar sot në Samitin e Berlinit, Përfaqësuesin e lartë të Bashkimit Evropian për Marrëdhënie me Jashtë, Josep Borrell.

Borrell u shpreh i kënaqur që ka takuar Kurtin, ndërsa tha se është diskutuar në lidhje me situatën në veri të Kosovës.

“Mirë që takova kryeministrin Albin Kurti, përpara Samitit të Berlinit. Diskutuam situatën në veri të Kosovës. Veprimet përçarëse, si djegia e makinave, janë të papranueshme”, tha Borrell.

“Marrëveshjet e dialogut duhet të respektohen. Ftojmë të gjithë të veprojnë me përmbajtje. Ne diskutuam gjithashtu rrugën përpara për normalizimin”, theksoi ai.