SBASHK del nesër me një vendim lidhur me kompensimin e orëve

Kryetari i SBASHK-ut Rrahman Jasharaj i deklaroi se janë në konsultime lidhur me vendimin e Ministrisë së Arsimit për kompensim të orëve mësimore.

Ai tha se pas konsultimit, nesër do të dalin me një qëndrim, të cilit do t’ua përcjellin mediave.

Sazan Ibrahimi, tha sot se çdo ditë të punës mund të kompensohet nga një orë shtesë.

Sipas këtij plani, 22 ditët e humbura gjatë grevës do të zëvendësohen gjatë ditëve të shtune për nxënësit nga klasa e parë deri në të tetën.

Ndërkaq, gjysmëvjetori i parë për nivelin parauniversitar do të përfundojë më 27 janar dhe pushimi dimëror do të nisë më 30 janar dhe do të zgjasë deri më 3 shkurt të vitit 2023.

Gjysmëvjetori i dytë do të fillojë më 6 shkurt dhe pesë ditët e mbetura mësimore do të kompensohen gjatë pushimit pranveror.