Ministrja Rizvanolli: Kosovën e pret një dimër i vështirë

Ministrja e Ekonomisë, Artane Rizvanolli ka thënë se do të kërkojnë që masat emergjente për situatën energjetike në Kosovë të vazhdojnë edhe më tutje.

Kjo pasi Rizvanolli ka thënë se “Kosovën e pret një dimër i vështirë”, për shkak të krizës energjetike.

“Jemi në një kohë kur moti po fillon të ftohet. Tani po kërkojmë që masat emergjente të zgjaten duke pasë parasysh se pritet të jetë një dimër i vështirë.

Së shpejti do të bëhet ndalimi i importit të poçave elektrikë joefiçent”, tha ndër të tjera Rizvanolli gjatë raportimit në Komisionin  për Ekonomi, Industri, Ndërmarrësi dhe Tregti.