Pas takimit me Kurtin, Flocken: Nuk arritëm zgjidhje për grevën në arsim

Drejtoresha e përgjithshme e Unionit të Sindikatave të Arsimit në Evropë, Susan Flocken, ka deklaruar se nuk është gjetur një zgjidhje për ndërprerjen e grevës në arsim, edhe pas takimi të sotëm që pati me kryeministrin Albin Kurti.

Flocky në një konferencë për media, ka theksuar se i mbështet të gjithë mësimdhënësit dhe Sindikatën e Bashkuar të Arsimit, Shkencës dhe Kulturës.

“Unë erdha këtu të gjejë një zgjidhje për këtë çështje pasi mësuesit kanë qenë në grevë, duke kërkuar shumë qartë një rritje në pagat e tyre, por edhe duke kërkuar zbatimin e sigurimit shëndetësor, si dhe kërkesat e tyre për reformën e skemës së pensioneve. Nuk ishim në gjendje të gjenim një zgjidhje për problemin me grevën”, ka thënë Flocken pas takimit me Kurtin.

Flocken ka theksuar se të gjitha zhvillimet për arsimin në Kosovë i raporton tek Komisioni Evropian, duke shtuar se edhe për takimin me Kurtin do ta raportojë kur të shkojë në Bruksel para Komisionit Evropian.

Ndërsa, kryetari i SBASHK-ut, Rrahman Jasharaj tha se pavarësisht përpjekjeve të zonjës Flocken, Qeveria nuk është tërhequr nga qëndrimi i saj.