Begaj në Slloveni: Dialogu Kosovë -Serbi e vetmja mënyrë për zgjidhje të qëndrueshme

12/09/2022

Presidenti i Shqipërisë, Bajram Begaj, është duke marrë pjesë në procesin e “Brdo-Brijunit”, që po mbahet në Slloveni.

Aty po takohen liderët e Ballkanit Perëndimor.

“Shumë e rëndësishme të diskutonim hapur për nxitjen e bashkëpunimit rajonal si dhe dërgimin e mesazhit të përbashkët se procesi i zgjerimit është tashmë një çështje gjeopolitike dhe gjeostrategjike”, ka shkruar ai në Facebook.

“Një rrugë e përshpejtuar e afrimit me BE-në është e domosdoshme tashmë. Mbështetje të plotë dialogut Kosovë-Serbi, si e vetmja mënyrë për zgjidhje të qëndueshme dhe që i shërben paqes, sigurisë dhe progresit në rajon”, ka thënë Begaj.

Në këtë ngjarje po merr pjesë edhe presidentja e Kosovës, Vjosa Osmani. /Express

Written by: ClubFm Kosova

Rate it