Gjërat që nuk duhet t’ia fshihni kurrë mjekut tuaj

Nëse nuk jeni të sinqertë, mjekët nuk do të jenë në gjendje të përcaktojnë plotësisht diagnozën e saktë.

Kjo është arsyeja pse është e rëndësishme të mos heshtni për simptomat që keni.

Problemet e fshikëzës
Vështirësia në urinim dhe dhimbje barku mund të tregojnë gjithashtu sëmundje serioze si infeksione të veshkave dhe tumore.

Nëse i dinë të gjitha simptomat, mjekët mund të gjejnë një zgjidhje për këto probleme, shkruan Eat This Not That.

Shëndeti seksual dhe riprodhues
Shëndeti seksual dhe riprodhues është vendimtar për shëndetin e të gjithë organizmit dhe cilësinë e jetës.

Mosfunksionimi erektil, infeksionet, dhimbjet gjatë dhe pas marrëdhënieve seksuale dhe periodat e dhimbshme janë vetëm disa nga problemet e shëndetit riprodhues, ndaj është e rëndësishme ta diskutoni këtë me mjekun tuaj.

Sasia dhe cilësia e të ushqyerit
Shumë probleme shëndetësore lidhen me ushqimin e pashëndetshëm, dietat strikte dhe mungesën e vitaminave, mineraleve dhe proteinave.

Një pasqyrë në mënyrën e të ushqyerit do t’i lejojë mjekut të gjejë shkakun e sëmundjes dhe të përcaktojë metodën më të mirë të trajtimit – transmeton KP.

Barna
Mjekët duhet të dinë se çfarë ilaçesh jeni duke marrë, nëse keni ndonjë efekt anësor ose nëse nuk i merrni ato rregullisht. Këto janë të gjitha informacionet kryesore që mund të ndihmojnë në diagnostikimin e problemit.

Suplementet
Suplementet shpesh përdoren për shumë qëllime nga humbja e peshës, përmirësimi i funksionit seksual e deri te shëndeti më i mirë mendor.

Megjithatë, ato mund të shkaktojnë edhe efekte anësore serioze, ndaj është e rëndësishme t’i tregoni mjekut tuaj se çfarë po konsumoni.

Mënyra e jetesës
Zakonet e gjumit dhe ushtrimeve, konsumimi i alkoolit, pirja e duhanit dhe gjendja mendore janë gjithashtu informacione të rëndësishme për zbulimin e shkakut dhe përcaktimin e diagnozës.