Presidenti i Shqipërisë edhe sot në Kosovë, e nis takimin me drejtues të PDK-së

Presidenti i Shqipërisë, Bajram Begaj është duke e vazhduar vizitën e tij të parë zyrtare në Kosovë, si presidenti i ri i Shqipërisë.

Vizita e tij ka filluar me kryetarin e PDK-së, Memli Krasniqin.

Begaj do të ketë takim edhe me trupat e Forcave të Armatosura Shqiptare, që shërbejnë në KFOR.

Përmes një komunikate për media është njoftuar se në takim është diskutuar edhe dialogu mes Kosovës dhe Serbisë, për të cilin Begaj është shprehur se duhet të përfundojë marrëveshje reciproke.

Ai shprehu përkrahjen e plotë për liberalizimin sa më të shpejtë të vizave për qytetarët e Kosovës dhe për pranimin e Kosovës në Këshillin e Evropës.