Begaj: Shqipëria do të jetë zëdhënëse e interesave të Kosovës në OKB

Presidenti i Shqipërisë, Bajram Begaj, ka thënë gjatë konferencës së përbashkët me presidenten e Kosovës, Vjosa Osmani se “Shqipëria do të jetë zëdhënëse e interesave të Kosovës në OKB”.

Ai po ashtu ka thënë se Shqipëria do të vazhdojë përkrahjen e Kosovës për procesin e liberalizimit të vizave.

Begaj po ashtu ka thënë se bashkëpunimi mes Kosovës dhe Shqipërisë do të thellohet edhe më tutje.

Ai tha se është në shtëpinë e tij, referuar Kosovës.

Kjo ishte vizita e tij e parë zyrtare që kur mori pozitën e presidentit të Shqipërisë një javë më parë. /Express