Kurti emëron bordet e drejtorëve të katër ndërmarrjeve publike

Kryeministri Albin Kurti në mbledhjen e qeverisë ka emëruar bordin e drejtorëve të katër ndërmarrjeve publike, përfshirë atë të hekurudhave Train-Kos, dhe tri kompanive rajonale të ujësjellësit Hidroregjioni Jugor, Radoniqi dhe Bifurkacioni.

Kabineti qeveritar miratoi propozimet e kryeministrit Kurti për bord të drejtorëve të këtyre ndërmarrjeve raporton Gazeta Express.

“Ndërmarrja Publike Train-Kos për bord të drejtëorëve Nol Dedaj kryesues,  anëtarë Astrit Mehaj, Drita Kadriu Berisha, Blerina Shamolli, Riza Spanca dhe Shaban Neziri, mandati i të emëruarve zgjat tre vite. Ujësjellësi Hidroregjioni Jugor Prizren për bord të drejtorëve propozoj të emërohen këta kandidatë Feim Fetoshi kryesor ndërkaq anëtarë Hysni Çanta, Mirlinda Morina, Bilall Karadollami, Naim Kukaj dhe Arben Hajrizi me mandat tre vjet”, ka njoftuar Kurti.