Arbenita Ismajli vazhdon të marrë vëmendje me pozat e reja nga pushimet në Spanjë

Modelja shqiptare, Arbenita Ismajli, është mjaft e angazhuar në fushën e modelingut.

Ajo një pjesë të karrierës e ka ndërtuar në Angli, ndërkohë që shquhet për bashkëpunime të shumta me marka të ndryshme.

E njëjta së fundmi duket se ndodhet për punë në Spanjë, gjersa po kalon edhe një kohë të bukur.

Pavarësisht se mori kritika të shumta pasi partneri i saj, reperi Fero, ndodhet në paraburgim – duket se kjo gjë nuk do e ndalë atë.

Zeshkania publikoi në rrjete sociale disa imazhe të tjera me një fustan të bardhë, ku pozoi krahas një plazhi atje.

Fero ndërkaq ditë më parë u arrestua pasi u publikua një video ku shihej duke grushtuar një qytetar brenda një veture.

Në raportimet e tjera, i njëjti u tha se ishte provokuar pasi qytetari në veturën e tij kishte lëshuar një këngë të Unikkatilit, në të cilën ai shan Feron.