Marrëveshja në Kongres me MCC-në, Kurti e Osmani nisen drejt Amerikës

Presidentja e Republikës së Kosovës, Vjosa Osmani dhe Kryeministri Albin Kurti, kanë udhëtuar për në Uashington D.C.

Lajmin për ClubFM e ka konfirmuar Bekim Kupina, këshilltar për media i Presidentes Osmani.

“Presidentja e Republikës së Kosovës, Vjosa Osmani Sadriu, së bashku me Kryeministrin Albin Kurti, kanë udhëtuar për në Uashington D.C. për të marrë pjesë në ceremoninë e organizuar në Kongresin amerikan për nënshkrimin e marrëveshjes me Korporatën e Sfidave të Mijëvjeçarit (MCC), për Programin Kompakt të Kosovës”, tha Kupina.

Kupina tha se gjatë qëndrimit në Uashington, Presidentja Osmani dhe Kryeministri Kurti do të zhvillojnë edhe takime të tjera bilaterale.