Osmani vazhdon takimet në Slloveni, në fokus intensifikimi i diplomacisë parlamentare

Presidentja e Kosovës, Vjosa Osmani, gjatë vizitës zyrtare në Slloveni ka zhvilluar takime të ndara me zëvendëskryetarin e Parlamentit të Sllovenisë, Danijel Kriveq dhe kryetarin e Këshillit Kombëtar të Sllovenisë, Alojz Kovsca.

Në takim me ta, Osmani ka folur për marrëdhëniet e shkëlqyeshme të Kosovës me Slloveninë dhe është angazhuar që ato të thellohen më tej në të gjitha sferat, me theks të veçantë në intensifikimin e diplomacisë parlamentare.

Sipas presidentes, diplomacia parlamentare është gjithmonë në shërbim të përafrimit të dy vendeve dhe thellimit të bashkëpunimit strategjik në mes tyre.