Kosova përdoruese e madhe e qymyrit, por fqinjtë e ndotin më shumë ajrin

Termocentralet me qymyr në Ballkanin Perëndimor e ndotin më së shumti ajrin në Europë.

Sipas disa statistikave të publikuara nga Radio Evropa e Lirë, termocentralet në këtë pjesë të kontinentit gjatë vitit të kaluar kanë emetuar pesë herë më shumë dioksid squfuri dhe 1.8 herë më shumë pluhur sesa nivelet e lejuara.

Megjithatë, sipas statistikave të Bankwatch Network, Kosova është shteti që e ndotë më së paku ajrin në Ballkanin Perëndimor, shkruan Express.

Termocentralet në Kosovë vitin e kaluar emetuan 1.3 herë më shumë dioksid squfuri dhe 4.4 herë më pak grimca pluhuri sesa nivelet lejuara. Këto përbëjnë statistika shumë të mira krahasuar me vendet përreth.