Fondi i Sigurisë dhe pengesat në blerjen e armatimit, deklarohet kryeministri Kurti

22/06/2022

Kryeministri i vendit, Albin Kurti sot në seancën e Kuvendit të Kosovës është përgjigjur në pyetjet e deputetit të Aleancës për Ardhmërinë e Kosovës, Ramush Haradinaj rreth pengesave për blerjen e armatimit dhe Fondit të Sigurisë.

Haradinaj e pyeti Kurtin nëse është e mundur që çështja e Fondit të Sigurisë të rregullohet me ligj si dhe nëse ka pengesa për blerjen e armatimit.

“Sa i përket blerjes së armatimit dhe shpenzimeve tjera në fushën e mbrojtjes ka ca pengesa te ne ligjore e procedurale, por ka pengesa edhe tek shtetet ku jemi të interesuar të pajisemi. Prandaj, p0o bëjmë krejt çka dimë që të shkojmë sa më shpejt dhe pajtohem që konteksti gjeopolitike e gjeostrategjik nënkupton që edhe buxheti për 2022 ta rishikojmë se askush nuk e di si do të shkojnë muajt në vijim”, tha Kurti, raporton Telegrafi.

Ndërkaq, sa i përket Fondit të Sigurisë, kryeministri tha se dëshirojnë të rritet sa më shumë e shpejt, ndërsa a e ndihmon këtë Ligji do ta diskutoj me ministrin e Mbrojtjes për të parë sa është e mundur.

Ai shtoi mbrojtja dhe ushtria janë dy fushat ku më së shumti e kanë rritur buxhetin. /Telegrafi/

Written by: ClubFm Kosova

Rate it