Rama për Kurtin: Kur ne takohemi qeshim jo pak, kjo është e rëndësishme

Fjalimin e tij në hapjen e mbledhjes së përbashkët, kryeministri i Shqipërisë, Edi Rama e ka nisur duke e falënderuar homologun e tij kosovar, Albin Kurtin.

Rama ka thënë se takimi me Kurtin është kënaqësi e veçantë.

“Shprehjen e kënaqësisë për këtë moment dua ta bëjë duke falënderuar përzemërsisht Albinin dhe gjithë ju, po në veçanti Albinin dhe duke e thënë publikisht, edhe në sytë e gjithë atyre që na ndjekin për mirë apo për keq, se është një kënaqësi e veçantë edhe pse pak kush e beson kur unë e them që kur ne takohemi kemi një sinergji të plotë dhe qeshim jo pak, kjo është e rëndësishme”, ka thënë Rama.

Mbledhja e përbashkët në mes Qeverisë së Kosovës dhe asaj të Shqipërisë po mbahet për herë të tetë me radhë, kësaj radhe me organizim në Prishtinë.

Aty pritet të nënshkruhen disa marrëveshje.