Komedianja amerikane merr shembull Kosovën: Në 13 vite shtet kanë zgjedhur dy gra presidente

Ditë më parë në Los Angeles është mbajtur festivali i komedive “Netflix Is A Joke”, ku emra të njohur të artistëve amerikan kanë prezantuar punën e tyre dhe kanë mbajtur fjalime.

Në mesin e tyre ishte edhe komedianja, producentja dhe prezantuesja e njohur, Michelle Wolf e cila u prezantua në shfaqjen “Bill Burr Presents: Friends Who Kill”.

Foto: Screeshot/Twitter

Michelle në fjalimin e saj ka marrë shembull Kosovën, që për 13 vite si shtet i pavarur tashmë ka patur dy gra presidente.

Foto: Atifete Jahjaga/Instagram

“Amerika është ndoshta vendi i fundit që ka gra në qeverisje, ajo madje nuk është as udhëheqëse, ajo mund të jetë vetëm nëse Biden fle më gjatë, Kosova është shtet qe 13 vite dhe deri tani ka pasur dy gra presidente”, ka thënë ndër tjera Wolf.

Foto: Vjosa Osmani/Instagram

Kujtojmë që femra e parë presidente në Kosovë u zgjodh Atifete Jahjaga e cila udhëhoqi shtetin nga viti 2011 deri në 2016, ndërsa aktualisht në krye të vendit është një tjetër femër, Vjosa Osmani nga prilli i vitit të kaluar. /Telegrafi/