Kryediplomati austriak në Prishtinë do të takohet me Kurtin

Kryeministri i Kosovës, Albin Kurti, të martën do ta presë në zyrën e tij ministrin e Punëve të Jashtme të Austrisë, Alexander Schallenberg.

Sipas njoftimit të zyrës së kryeministrit, takimi do të nis në ora 13:45.

Vizita e kryediplomatit austriak vjen një ditës pas vizitës të cilën e kishte në Beograd.

Temë qendrore në Beograd ishte dialogu Kosovë-Serbi, ngjashëm pritet të jetë edhe në Prishtinë.