Gjiganti global i shitjeve me pakicë do të investojë në Kosovë, Ministria vjen me një njoftim

Gjiganti global i shitjes me pakicë, kompania LIDL, pritet që të investojë në Kosovë.

Këtë e ka bërë të ditur, Ministrja e Industrisë, Ndërmarrësisë dhe Tregtisë, Rozeta Hajdari.

“Sot kishim nderin që së bashku me Kryeministrin Kurti, Zv. Kryeministrin Bislimi, drejtorët e KIESA-s, ATK-s dhe Doganave të Kosovës dhe kolegë tjerë, të presim delegacionin e kompanisë “LIDL” GmbH & Co KG, si kompani e mirënjohur me zingjirin, me të madh të dyqaneve ushqimore në botë, e themeluar në vitin 1973 dhe aktualisht me shtrirje në 31 shtete të botës, ka shkruar Hajdari.

“Me delegacionin e kompanisë “LIDL” u përshendetëm me zotimin e tyre që do të investojnë dhe zhvillojnë biznesin e tyre në Kosovë, gjersa konkluduan se Kosova ka shumë potenciale konkurruese për investime dhe ndër të tjera, është vendi me sistemin më të mirë tatimor në botë.”

Ajo ka shtuar se me delegacionin e LIDL kanë viztuar tri lokacionet strategjike të propozuara nga KIESA të përshtatshme për qendrën e ardhshme në Kosovë.

“Me delegacionin e kompanisë LIDL, vizituam edhe tri lokacione strategjike të propozuara nga kolegët e KIESA-s, të përshtatshme për qendrën e ardhshme logjistike të kompanisë “LIDL” në Republikën e Kosovës, pas bisedës së tyre më prodhuesit dhe përpunuesit e ushqimit dhe pijeve, potencial i mirë për furnizim për kompaninë ”LIDL” dhe exporte në botë”.